சில நேரங்களில் மட்டுமல்ல - வாழ்வின்
பல நேரங்களில் தேவை ,
அன்பானவர்களின் அறிவுரையோ
ஆலோசனையோ அல்ல...
அவர்களின் பொன்னான,
கண்ணான சில மணித்துளிகள் ;
நாம் சொல்வதை கேட்பதுதான் ....
அன்றி,
ஆலோசனையோ அறிவுரையோ அல்ல !
பொதுவாக,
எதிரில் பேசுபவர் சொல்வதையே
எப்போதும் கேட்டு கொண்டிருக்க தோன்றும் !
ஏனெனில், கிடைக்க பெறாதவர்க்கே
கிடைப்பதின் நிம்மதி புரியும் !
ஆதலால் சொல்கிறேன்,
கேட்பதும் சுகமே !
பெறுவதில் கிடைக்கும் சுகத்தை விட
தருதலில் உள்ள சுகம் போல !
- குணா ...
